“ජීවිතයට ආරම්භයක්” යනු කැම්පස් ගුවන් විදුලි ශ්‍රාවකයින් සඳහා අභිප්‍රේරණ වැඩසටහනකි. මෙම වැඩසටහන නව වසර ආරම්භය වන 2022 ජනවාරි 1 වන දින දියත් කරන ලදී. මේ දිනවල වඩාත් ප්‍රසිද්ධ අභිප්‍රේරණ කථිකයෙකු වන හසින්ත හේවාවසම් මහතා ප්‍රධාන සම්පත් දායකයා ලෙස මෙම වැඩසටහන සඳහා සහාභාගී විය. නව වසරේ නව ප්‍රබෝධයකින් යුතුව ගත කිරීමට ඉලක්ක තැබීම, සාර්ථක යහපත් ඉලක්ක කරා යාමට ශ්‍රාවකයන් පෙළඹවීම යනාදිය මෙම වැඩසටහනේ අරමුණයි. මෙම වැඩසටහන හරහා කැම්පස් රේඩියෝව තවදුරටත් ප්‍රවර්ධනය කිරීමට අපි බලාපොරොත්තු වෙමු. අපි මේ වැඩසටහන zoom තාක්ෂණය හරහා ශ්‍රාවකයන් වෙත ඉදිරිපත් කරන්නු ලැබීය. මෙම අභිප්‍රේරණ වැඩසටහන සඳහා අපගේ විශ්වවිද්‍යාල සිසුන් මෙන්ම අනෙකුත් විශ්වවිද්‍යාලවල සිසුන් ද සම්බන්ධ විය. වැඩසටහන නිෂ්පාදනය සිදු කරනු ලැබුයේ ශ්‍රී පාලී මණ්ඩපයේ තෙවන වසර විද්යර්ථීන් වන ලිමේෂි රත්නායක සහ කේෂානි රිත්මිකා කුරේ විසිනි.
